पेट्रोलियम पदार्थया भाः थकाल
येँ (सन्ध्या टाइम्स)/नेपाल आयल निगमं थनिंनिसें हे लागू जुइ कथं पेट्रोलियम पदार्थया भाः थकाःगु दु। पेट्रोल छगू लिटरय् स्वतका थकाःगु दुसा मचिकं व डिजेल छगू लिटरय् न्याम्वहः ध्यबा थकाःगु दु । थौं सुथय् च्वंगु निगमया बोर्ड बैठकं भाः थकायेगु थ्व निर्णय याःगु खः। आः पेट्रोल छगू लिटरया ८५ तका थ्यंगु दुसा मचिकं व डिजेल छगू लिटरया ६५ तका ५० पैसा थ्यंगु दु। भारतय् पेट्रोलियम पदार्थय् भाः थहां वंगुलिं भाः समायोजन यायेमाःगुलिं धकाः नेपालय् नं पेट्रोलियम पदार्थया भाः थकाःगु खः ।
