जातीय मुक्ति मोर्चाया नेतातय् छेँय् बम
येँ (सन्ध्या टाइम्स)/भूमिगत जुयाच्वंगु संयुक्त जातीय मुक्ति मोर्चाया केन्द्रीय दुजः टंक हेम्डुङया मकवानपुरय् च्वंगु छेँय् प्रहरीं बम लुइकूगु दु। गोप्य सुचनाया आधारय् वंगु चान्हय् प्रहरीं छापामारे याःगु इलय् निगः सकेट बम, बारुद, ग्रिनेटर व जिलेटिन लुइकूगु खः। हेम्बुङ केन्द्रीय दुजः जुयाच्वंगु संयुक्त जातीय मुक्ति मोर्चां लिपांगु इलय् वयाः गां गामय् थःपिनिगु जन सरकार दयेकेगु धकाः गाविस सचिवतय्त राजीनामा बीका वयाच्वंम्ह खः ।
