राष्ट्रिय ज्ञानमालाया न्हय्क्वःगु तःमुँज्या
किपू (सन्ध्या टाइम्स)/राष्ट्रिय ज्ञानमाला समितिया न्हय्क्वःगु तःमुँज्या किपुली जुइगु जूगु दु ।
राष्ट्रिय ज्ञानमाला समितिया ग्वसालय् किर्तिपुर ज्ञानमाला भजन खलःया ब्यवस्थापनय् उगु तःमुँज्या जुइत्यंगु खः।
नेपाल राष्ट्रिय ज्ञानमाला समितिया पदाधिकारी व किपूया खुगू ज्ञानमाला संघया दथुइ च्वंगु बैठकं उगु निर्णय याःगु दु। मुँज्यां तःमुँज्याया लागिं श्रीकृष्ण महर्जनया अध्यक्षताय् छगू ब्यवस्थापन समिति नं स्वंगु दु ।
उगु ब्यवस्थापन समितिया उपाध्यक्ष हिरा डंगोल, सचिव महन्त महर्जन, सहसचिव बुद्ध महर्जन, कोषाध्यक्ष सालिग्राम महर्जन च्वनादीगु दु। दुजलय् चन्द्र महर्जन, जुलुम शाक्य, अष्टबहादुर डंगोल, दुर्गा महर्जन, मिन प्रकाश महर्जन, भरत बहादुर महर्जन, वीरमाया महर्जन, पूर्णमान महर्जन, प्रमिला महर्जन, अमरलाल माली, राजभाई महर्जन व अर्जुन महर्जन च्वनादीगु दु ।
