'गणतन्त्रको खोजी' कविता गोष्ठी
यल( सन्ध्या टाइम्स)/नेपाली कविता डट कम नाप जानाः लिवि च्वसा दबू व कवि क्याफेया मंकाः ग्वसालय् वंगु आइतवाः 'गणतन्त्रको खेती' कविता गोष्ठी जुल। उगु ज्याझ्वलय् नेपाली कविता डट कमं २०६२-०६३ या गणतन्त्र अभियानया झ्वलय् रचना जूगु कविता मुनाः पिथंगु 'गणतन्त्रको खेती' सफुली कविता दुथ्याःपिं नेपालभाषा व खस नेपाली भाषाया कविपिंसं कविता पाठ याःगु खः ।
कवि क्याफेया संयोजक राजेश वज्राचार्यं लसकुस न्वचु बियाः लिबि च्वसा दबूया संयोजकं ज्याझ्वःया तातुना व नेपाली कविता डट कमया संयोजक विक्रम सुब्बां 'गणतन्त्रको खेती' सफूया पृष्ठभूमि न्ह्यब्वयाः शुरु जूगु ज्याझ्वलय् डा.केशवमान शाक्य, सुलोचना मानन्धर, सुधीर ख्वबि, शाक्य सुरेन, विमल निभाः, मातृका पोखरेल, नरेश शाक्य, विक्रम सुब्बा, स्व. स्वप्निल, तुम्बापोपिंसं कविता न्यंकादीगु खः। अथे हे पाहां डा. पुष्पराज राजकर्णिकार व इश्वरीमैंया श्रेष्ठपिंसं नं कविता पाठ यानादीगु खःसा अन्तय् गणतन्त्रय् साहित्य ब्वलंकेत गुकथं ज्या याना वनेमाली धकाः सहभागीपिनि दथुइ सहलह जूगु खः ।
