शान्ति प्रकृयायात तार्किक निश्कर्षय् थ्यंकेगु प्रमया प्रतिबद्धता
पुष्पकमल दाहाल प्रचण्डं संविधान च्वयेगु ज्या व शान्ति प्रकृयायात तार्किक निश्कर्षय् थ्यंकेगु प्रतिबद्धता हाकनं प्वंकादीगु दु ।
नेकपा एकीकृत (माओवादीं) सोमवाः २०४६सालया जनआन्दोलन उत्तकर्शय् थ्यंगु दिँया सम्मानय् खुल्लामंचय् याःगु ज्याझ्वयात संवोधन यानादीसें प्रम प्रचण्डं शान्ति प्रकृयायात तार्किक निशकर्षय् थ्यंकेगु निंतिं सेना संमायोजन व जनसेनाया पुर्नस्थापना प्रमुख आवस्यक्ता खः धयादिल । वय्कलं सेना संमायोजनया विरोद्ध याइपिं 'सच्चा प्रजातन्त्रवादीत' मखु धयादिल ।
प्रमुख विपक्षी दल नेपाली कांग्रेस व प्रमुख सत्ता साझेदार दलतय्सं सेना संमायोजन देय्या हित विरुद्ध मजुइगु व समायोजन जुसाः देय् गृहयुद्ध पाखे वनेफु धयाच्वंगु इलय् प्रम प्रचण्डया थ्व धापू सार्वजनीक जूगु खः ।
संबोधन यायेगुझ्वलय् प्रम प्रचण्डं संसदय् गतिरोध जुयाच्वंसाः थुकीं संविधान च्वयेगु ज्याय् लिच्व लाकीगुलिं संसद् सुचारु यायेत दक्वसितं इनाप यानादिल । वयेकलं 'छुं शक्ति केन्द्र' माओवादी नेतृवय् संविधान च्वकेगु पक्ष मदुगुलिं थुकीपाखे सचेत जुइत दक्वसित आह्वान यानादिल ।
माओवादीं येयँ नापं पोखरा, विराटनगर, जनकपुर, नेपालगंज, दाङ, कलैया व कन्चनपुरय् जुलुस व सभातयाःगु खः । येँय् जूगु सभाय् माओवादीया केन्द्रय दुजःतय्सं नं संवोधन यानादीगु खः । अथेहे पाखराय् जूगु सभाय् माओवादी संसदीय दलया उपनेता नारणकाजी श्रेष्ठं संवोधन यानादीगु खसाः विराटनगरय् जूगु सभाय् लिलामणि पोखरेलं संबोधन यानादीगु खः ।
माओवादीं चैत २४गते पाचायति व्यवस्थाया विरुद्ध २०४६सालया जनआनदोलन उत्तर्कशय् थ्यंगु लसताय् देँय्दसं हनेगु यानाच्वंगु दु ।
