सहकारी तालिम
येँ (सन्ध्या टाइम्स)/जे.सी.आई. काठमाडौं लेडी व वीनर नेपालया मंकाः ग्वसालय् निन्हुयंकंया माइक्रो क्रेडिट व सहकारी तालिम आः नकतिनि क्वचाल। तालिमय् थः दुजःतय्त नेतृत्व सम्बन्धी थीथी तालिम बिउगु खः। लेखा सम्बन्धी तालिम नं बिउगु उगु ज्याझ्वलय् ३२ म्ह प्रशिक्षार्थीत सहभागी जूगु खः ।
राष्ट्रिय सहकारी बैंकया ब्यवस्थापक अशोक शिवाकोटीं किलाघःया स्टार क्लबय् उगु तालिम बियादीगु खः। जे.सी.आई. काठमाडौं लेडी (नेपाल) या अध्यक्ष शान्तितारा मानन्धरया सभापतित्वय् जूगु उगु ज्याझ्वलय् महासचिव जेसी सरिता प्रधानं लसकुस यानादीगु खःसा कोषाध्यक्ष लुना श्रेष्ठं सुभाय् देछानादिल ।
