चैत दुने संविधान निर्माण यायेगु सहमति

संविधानसभाय् दुथ्याःगु स्वंगू प्रमुख दलत दथुइ २०६७ साल चैत मसान्त दुने संविधान निर्माण यायेगु सहमति जूगु दु ।

संविधानसभाया अध्यक्ष सुवासचन्द्र नेम्वाङया सक्रियताय् एनेकपा (माओवादी), नेपाली कांग्रस व नेकपा (एमाले)या प्रमुख सचेतक सहितया नेतात दुथ्याःगु बैठकं थंज्याःगु निर्णय याःगु खः । मंगलवाः च्वंगु स्वंगू दलया बैठकय् संविधानसभा पाखें चैत मसान्त दुने संविधान निर्माण यायेगु कथं मेमेगू दलत दथुइ सहलह यानाः संविधान निर्माणया कार्यतालिका दयेकेगु खँ क्वःछिउगु दु ।

अथेहे बैठकं साउन १ गते राज्य पुनर्संरचना आयोग गठन यायेगु सहमति नं याःगु दु । आयोगयात निलाया ई बीगु व उगु आयोगं संविधानसभा अन्तर्गतया राज्य पुनर्संरचना समितिया ज्यायात छुं नं कथं हस्तक्षेप याये मदइगु सहमति स्वंगू दल दथुइ जूगु दु ।