कांग्रेस सहमतिय सरकारया पक्षय्

नेपाली कांग्रेसं न्हूगु राष्ट्रिय सरकार सहमतिया माध्यमं जुइमाःगु खँय् बः ब्यूगु दु । मंगलवाः कांग्रेस कार्यवाहक सभापति सुशील कोइरालाया महाराजगंजय् स्थित छेँय् च्वंगु पार्टी पदाधिकारीतय् बैठकय् शान्ति प्रकृयायात क्वचायेकेत सहमतिय सरकार आवश्यक जूगु धासें सहमतिय सरकार गठन यायेमाःगु खँय् कांग्रेस नेतातय्सं बः ब्यूगु दु ।

कांग्रेसं शान्ति प्रकृयायात प्राथमिकताय् तयाः सहमतिय सरकार गठन यायेमाःगु धासें पार्टीं कयाच्वंगु शान्ति प्रकृया प्रतिया अडान मत्वतेगु निर्णय याःगु दु । नापं कांग्रेसं माओवादी लडाकु समायोजनया प्रकृया न्ह्याये धुंकाः जक माओवादी नेतृत्व स्वीकार्य जुइगु खँ नं धाःगु दु ।