संविधानसभा भवन न्ह्य:ने विष्फोट

येँया न्हू बानेश्वरय् च्वंगु संविधानसभा भवन न्ह्य:ने मंगलवाः सुथय् छगः बम विष्फोट जूगु दु । सुथय् ११ बजे मोटरसाइकलय् वःपिं निम्ह अज्ञात मनूतय्सं बम तयाथकूगु खँ सीदुगु दु । उगु विष्फोटय् लाना मानवीय क्षति धाःसा मजूगु खँ प्रहरीं धाःगु दु । संविधानसभा भवन दुने स्वंगू प्रमुख दलया बैठक क्वचायेवं विष्फोट जूगु खः । विष्फोट जूगु थासं प्रहरीं डानामिक युथ फोरम नां जूगु संगठनया पर्चा लुइकूगु दुसाः पर्चाय् राष्ट्रिय सहमतिया सरकार गठन, राजनीतिक अनिश्चितताया अन्त्य व बेरोजगरी समस्या समाधान यायेमाःगु माग यानातःगु दु ।