बजेट अधिवेशन शुरु

संसदया बजेट अधिवेशन थंनिनिसें शुरु जूगु दु । येँया न्हू बानेश्वरय् च्वंगु व्यवस्थापिका संसदया बैठकय् सभामुख सुवासचन्द्र नेम्वाङं राष्ट्रपति डा. रामवरणद यादवं छ्वयादीगु पौ ब्वना न्यंकूगु खः । बैठक शुरु जुइवं सहिदत प्रति २ मिनेटया मौन धारण याःगु खः ।

प्रधानमन्त्री माधवकुमार नेपालं राजीनामा बीधंकूगु व मेगू सरकार गठन मजूनिगु अवस्थाय् सरकारया नीति व ज्याझ्वः व बजेट सम्बन्धी छुं नं कार्य तालिका मदुगुलिं बैठक छुं मिनेट लिपा हे स्थगित जूगु दु । बैठक वइगु २७ गते तकया निंतिं स्थगित याःगु दु ।