स्वंगू दलया बैठक कन्हय् जक च्वनीगु

संविधानसभाया कार्यतालिका व राज्य पुनर्संरचना आयोगया बारे सहलह यायेत सोमवाः सुथय् च्वनीगु धाःगु स्वंगू प्रमुख दलया बैठक स्थगित जूगु दु । नेपाली कांग्रेसया केन्द्रीय नेता बलबहादुर राईया अन्तिम श्रद्धाञ्जलिया हुनिं बैठक स्थगित जूगु खः ।

आइतवाः संविधानसभाया अध्यक्ष सुवासचन्द्र नेम्वाङया सक्रियताय् च्वंगु स्वंगू दलया बैठकय् संविधानसभया कार्यतालिका दयेकेगु व राज्य पुनर्संरचना आयोग गठन यायेगु सहमति जूगु खः । राज्य पुनर्संरचना आयोगयात गुली ई बीगु, आयोगया दुजः आदिया बारे निर्णय यायेत सोमवाः ८ बजे बैठक च्वनेगु ज्याझ्वः दुगु खः ।

आः थुकीया बारे सहलह यायेत मंगलवाः ८ बजे येँया न्हू बानेश्वर स्थित संविधानसभा भवनय् स्वंगू दलया बैठक च्वनीगु जूगु दु ।