कांग्रेस नेता राई मन्त
नेपा:या प्रजातान्त्रिक आन्दोलनया योद्धा नापं नेपाली कांग्रेसया नेता बलबहादुर राई आइतवाः ९०दँया बैंशय् मन्त । थीथी स्वास्थ्य समस्यां पीडित राई आइतवाः महारजगाज स्थित शिक्षण अस्पताया सिसियु कक्षय् मदुगु खः ।
१९७७ साल फागुन ६ गते ओलखढुंगाया मोली गांमय् जन्म जुयादीम्ह राई प्रजातान्त्रिक आन्दोलनया झ्वलय् राणा कालं निसें २०६२/२०६३ सालया जनआन्दोलन तक याना त:क्व हे जेलय् च्वनेमा:गु ख: । २०४८साय् ओखलढुंगा क्षेत्र नं २ पाखें आमनिर्वाचनय् निर्वाचित जुयादीम्ह राई २०५३सालया मध्यावधि निर्वाचनय् नं उगु हे क्षेत्रं निर्वाचित जुयादीगु खः । नेपाली कांग्रेसय केन्द्रीय दुजः राई १९क्वः कार्यवाहक प्रधानमन्त्री जुयादीधुंकूगु दु ।
मुदम्ह राईयात सोमवाः सुथय् ८ बजे निसें १० बजे तक कांग्रेस मू ज्याकू सानेपाय् तइगु ज्याझ्वः दुसाः ११ बजे वय्कया थःगु हे छेँ ओखलढुगा यंकाः दहासंस्कार याइ । वय्क निम्ह काय् व निम्ह म्हायय् दी ।
थ्वहे दथुइ कांग्रेस कार्यवाहक सभापति सुशील कोइरालां छगू विज्ञप्ति पिथनादिसें नेपाःया प्राजातान्त्रिक आन्दोलनया योद्धा राई मदगु प्रति सोक प्वंकादिसें स्वन्हु तक कांग्रेसया ज्याकू बन्द यायेगु व स्वन्हु तक कांग्रेस पार्टीया ध्वाँय् बछि क्वछुकेगु निर्णय याःगु दु ।
