गोइतया धनुषा इन्चार्जयात गालीं कयेकाः स्यात
येँ(सन्ध्या टाइम्स)/तराईलय् सक्रिय जुयाच्वंगु भूमिगत पुचः जनतान्त्रिक तराई मुक्ति मोर्चा (जयकृष्ण गोइत पुचः) या धनुषा जिल्लाया इन्चार्ज बमभोला यादव प्रहरीं याःगु कारवाहीलय् लानाः सीगु दु।
धनुषाया खजुरी इलाका प्रहरी ज्याकूपाखें गस्तीइ वंगु पुचःलिसे भिडन्त जुयाः वंगु चान्हय् इन्चार्ज यादव सीगु खँ जिल्ला प्रहरी ज्याकू धनुषां धाःगु दु। यादवया सीम्हयात थौं सुथय् जनकपुर अञ्चल अस्पतालय् यंकूगु दु। यादव हत्या, अपहरण, चन्दा नापं दर्जनौं आपराधिक क्रियाकलापय् संलग्न दुगु खँ प्रहरीं धाःगु दु।
थ्व हे दथुइ सप्तरीया त्रिकौली गाविसय् थौं सुथय् ल्वाभः नापं छम्हेसित ज्वंगु दु। अनया महानारायण शर्मायात बन्दुक व गोली नापं ज्वंगुलिं अनुसन्धान जुयाच्वंगु खँ प्रहरीं धाःगु दु।
