एसएलसी लिच्वः - ६४ प्रतिशत पास
Posted on Sat Jul 3, 2010 9:29 am NST
परिक्षा नियन्त्रण कार्यालयं २०६६ सालया एसएलसी परिक्षाया लिच्वः पितब्यूगु दु । थुगुसी एसएलसी जाँच ब्यूपिं मध्ये ६४.३१ प्रतिशत उत्तीर्ण जूगु दु ।
लिच्वः कथं नियमितपाखे विशिष्ट श्रेणीइ १६ हजार ८ सय ५९, न्हापांगु श्रेणीइ ९३३३९, निगूगु श्रेणीइ १ लाख २८ हजार ७५ व स्वंगूगु श्रेणीइ ९ हजार ४ सय १६ परीक्षार्थी उत्तीर्ण जूगु दु ।
अथेहे आंशिक परीक्षार्थीपिंपाखे २९.१८ प्रतिशत उत्तीर्ण जूगु दु । आंशिकपाखे न्हापांगु श्रेणीइ ४ सय १६, निगूगु श्रेणीइ ९ हजार १ सय १४ व स्वंगूगु श्रेणीइ २ हजार ६ सय ९७ परीक्षार्थी उत्तीर्ण जूगु दु ।
थुगु दँय् नियमितपाखे ४ लाख १२ हजार ५ सय ९२ परीक्षार्थीतय्सं परीक्षा ब्यूगु खःसा आंशिकपाखे ४१ हजार ९ सय ५ परीक्षार्थीत सामेल जूगु खः ।
