न्हय्न्हुया दुन न्हूगु सरकार गठन यायेत आह्वान

राष्ट्रपति डा. रामवरण यादवं न्हय्न्हुया दुने न्हूगु सरकार गठनया यायेत आह्वान यानादीगु दु । राष्ट्रपति यादवं बिहीवाः व्यवस्थापिका संसदयात छगू पौ च्वयादिसें अन्तरित संविधानया धारा ३८ (१) कथं असार २३ गते दुने सहमतिया माध्यमं न्हूम्ह प्रधानमन्त्री चयन यायेत इनाप यानादीगु दु ।

राष्ट्रपतिं ब्यूगु ईया दुने न्हूगु सरकार गठन जुइमफुसाः अन्तरिम संविधानया धारा ३८ (२)या उपधारा १ बमोजिम व्यवस्थापिका संसदया तत्काल कायम जूगु दुजःतय् संख्याया बहुमतया आधारय् प्रधानमन्त्रीया निर्वाचन यायेत राष्ट्रपतिं आह्वान यानादीगु व्यवस्था दु ।