काम चलाउ सरकारया न्हापांगु बैठक

प्रधानमन्त्री माधवकुमार नेपालं बुधवाः बहनी राजीनामा बीधुंकाः काम चलाउ सरकारय् सीमित जूगु थ्व सरकाराया न्हापांगु बैठक बिहीवाः सुथय् च्वंगु दु । उगु मन्त्रिपरिषद्या बैठकय् प्रधानमन्त्री नेपालं थम्ह राजीनामा बीमाःगु बारे मन्त्रीतय्त जानकारी बियादीगु खः ।

अथेहे बैठकय् प्रधानमन्त्री नेपालं वर्तमान सरकार काम चलाउ जक जूगुलिं मन्त्रीतय्त छुं नं कथंया तःधंगु व महत्वपूर्ण निर्णय मकायेत इनाप यानादीगु दु । नापं बैठकं क्वःछिनातःगु इलय् न्हूगु सरकार गठन जुइमफुसाः थ्वहे सरकारं पेस्की बजेट पेश यायेगु निर्णय नं याःगु दु ।