समावेशी ज्याझ्वः दिकूगुलिं नेवाः देय् दबूया आपत्ति
येँ (सन्ध्या टाइम्स)/देय्या राष्ट्रिय च्यानल नेपाल टेलिभिजनय् छुं इलंनिसें प्रसारण याना वयाच्वंगु देय्या खुगू भाषायागु समावेशी ज्याझ्वःत दिकूगु विषययात कयाः नेवाःतय् राष्ट्रिय संगठन नेवाः देय् दबुलिं गम्भिर आपत्ति प्वंकूगु दु ।
देय् दबूया नायः नरेश ताम्राकारं छगू वक्तब्य पिथँसें देशय् ल्हाइगु दक्व मातृभाषायात संरक्षण व सम्वर्द्धन यायेमाःगु दायित्व दुगु सरकारं प्रशारण याना वयाच्वंगु समावेशी ज्याझ्वःयात दिकेगु पलाः न्ह्याकूगु धइगु गैरजिम्मेवारीपूर्ण ज्या खः धयादीगु दु ।
सरकारं न्ह्याकूगु थुगु पलाःया विरोध यासें याकनं हे थुगु ज्याझ्वःत हाकनं प्रसारण यायेत नं वक्तव्यय् इनाप यानातःगु दु ।
