सदनय् न्हूकथं संघर्ष याइगु
येँ (सन्ध्या टाइम्स)/वइगु २१ गतेनिसें न्ह्याइगु संसदया बजेट अधिवेशनय् माओवादीया सभासद्तय्सं न्हूगु हे कथंया संघर्षया ज्याझ्वः याइगु खँ सीदुगु दु ।
प्रधामन्त्री माधव नेपालं राजीनामा मबीकं बजेट अधिवेशन न्ह्याके बीके मखु धकाः औपचारिक रुपं हे क्वःछिनातःगु पार्टी माओवादीं थुगुसी सदनय् अजूचाइपुक संघर्षया ज्याझ्वःत न्ह्याकीगु खँ माओवादीया छम्ह नेतां 'सन्ध्या टाइम्स' यात कनादीगु दु ।
प्रमुख प्रतिपक्ष दल माओवादीलिसे सहलह हे मब्याकुसे सरकारया इनापय् राष्ट्रपति डा. रामवरण यादवं वइगु २१ गते अधिवेशनया आह्वान याःगुलिं माओवादीयात अझ थप आक्रोशित याना बिउगु खँ नं उम्ह नेतां धयादीगु दु ।
