थौं नेपालय् असार १५ गतेया वा दिवस
येँ (सन्ध्या टाइम्स)/थौं असार १५ गते नेपालय् 'वा' (धान) दिवस। थौं बुँज्या याइपिं किसानतय्सं धौबजि नयाः वा पीगु याइ। अथे हे वा दिवस अर्थात धान दिवसया लसताय् किसानतय्गु खलः पुचःपाखें थीथी ज्याझ्वः यानाच्वंगु दु। २०६३ सालंनिसें नेपालय् दँय्दसं असार १५ गतेयात राष्ट्रिय धान दिवसया रुपय् हना वयाच्वंगु दु। थौं थ्व दिवसया लसताय् एमालेया उपाध्यक्ष वामदेव गौतम तौदह लागाय् वनाः पा पिनाच्वंगु दु। थुगुसी मनसुन बांलाः मजूगुलिं नेपालय् ११ प्रतिशत जक वा उत्पादन म्हो जुइफुगु खँ धाःगु दु ।
