एअरपोर्ट दुने हे सामान गायब
येँ (सन्ध्या टाइम्स)/अमेरिकाया बोस्टनं नेपाः लिहां वःपिं स्वम्ह नेपाली विद्यार्थीतय्गु लखौं तका बराबरया सामान नेपाःया त्रिभुवन अन्तर्राष्ट्रिय विमानस्थलय् खुया काःगु दु। प्यदँ लिपा नेपाः लिहां वयाच्वंपिं नेपाली विद्यार्थीत मन्दिरा श्रेष्ठ, यलया सुगम श्रेष्ठ व जनकपुरया प्रमोद झायागु सामान एअरपोर्ट दुने हे खुया काःगु खः ।
उपिं सिंगापुरं येँय् तक सिल्क एअरया विमानं वःगु खः। थनया त्रिभुवन अन्तर्राष्ट्रिय विमानस्थलय् थ्यंकाः उमिगु व्याग जक वःगु तर ब्यागया दुने च्वंगु सामान धाःसा गायब जुयाच्वंगु खः। उकी प्रमोदया निगूत्या लाख तूगु मोबाइल, क्यामेरा, आइपड, मन्दिया न्यागः घडी व सुगमया नं घडी व मोबाइल गायब जुयाच्वंगु खः। विद्यार्थीतय्सं थुकिया बारे रिपार्ट बीत स्वतं नं विमानस्थलया अधिकृततय्सं सामान्य घटनाया रुपय् कयाः आलटाल यायेत स्वःगु द्वपं उमिसं बिउगु दु। त्रिभुवन विमानस्थलय् थज्याःगु घटना न्हापा नं तःक्वःमछि जुइधुंकूगु खँ धाःगु दु ।
