सोह्रखुट्टें ल्वाभः सहित प्यम्हेसित ज्वन

येँया सोह्रखुट्टें मंगलवाः सुथय् ल्वाभः सहित प्यम्हेसित प्रहरीं ज्वंगु दु । प्रहरीं छपु कटुवा पेस्तोल व प्यंगू राउण्ड गोल सहित सिन्धुपाल्चोकया गणेश लामा, बीरबहादुर तामाङ, ग्रामी लामा व छिरिङ लामाया ज्वंगु दु ।

थ्वस्वयां न्ह्यः सोमवाः सुथय् नं प्रहरीं येँया न्हू बजार पाखें ल्वाभः सहित निम्हेसित ज्वंगु खः । सोमवा: प्रहरीं कास्कीया समीर लालचन व पाँचथरया कविराज घिसिङया छपु अमेरिकन अटोमेटिक पेस्तोल व उगु पेस्तोलया न्यागू राउण्ड गोली सहित ज्वंगु खः ।