दोल्खा गाविस सचिवतय्सं राजीनामा

दोल्खाया दक्वं गाविसया सचिवतय्सं राजीनामा ब्यूगु दु । संयुक्त जातीय मुक्ति मोर्चां जातीय जनसरकार संचालन यायेगु घोषणा यासें सचिवतय् दबाव बीवं दक्वं सचिवतय्सं राजीनामा ब्यूगु खः । सचिवतय्सं भ्रष्टाचार याःगु व अधिकांश ई सदरमुकामय् जक च्वनीगु नापं अन हिन्दू राज्यवाद व ब्रम्हुवाद हावी जूगु धासें मोर्चां सचिवतय्त राजीनामा बीत पौ छ्वःगु खः । मोर्चाया पौ लिपा स्थानीय विकास अधिकरीयात २१ म्ह सचिवतय्सं मंकाः राजीनमा लःल्हाःगु ख: । सचिवतय् राजीनामा लिपा अन दक्वं गाविसया ज्या ठप्प जूगु दु ।