प्रमया गार्ड अपहरणकारी !
येँ (सन्ध्या टाइम्स)/प्रधानमन्त्री माधव नेपालया व्यक्तिगत सुरक्षा गार्ड नेपाली सेनाया कर्णेल मन बस्नेतया नां नं अपहरण काण्डलिसे स्वानावःगु दु। ध्यबा कालबिलया बारे र्णेल बस्नेत व वया कलाः कल्याणी सिंहं थःपिंत अपहरण यात धकाः ज्ञानेश्वरया पवनराज जोशीं द्वपं बिउगु दु। जोशीं धाः कथं वय्कःयात कर्णेल बस्नेतं वंगु शनिवाः अपरहण यानाः त्वःतूगु खः। कर्णेलया कलाः कल्याणीं ताः ई न्ह्यःनिसें हे ख्याच्वः बियाच्वंगु नापं न्याम्ह मनूतय्सं थःत शनिवाः अपहरण याःगु धकाः जाहेरी याः वंबलय् प्रहरीं तकं जाहेरी मकाःगु खँ वय्कलं कनादिल। जोशीं थःगु जिउधनया सुरक्षाया निंतिं राष्ट्रिय मानवअधिकार आयोग, प्रशासन व संचारर्मीतय्त इनाप यानादीगु दु। अपहरण काण्डय् आरोपित कर्णेल बस्नेतं धाःसा थःगु धापू सार्वजनिक याःगु मदुनि ।
