दुर्घटना जुयाः २२ म्ह घाःपाः

येँ (सन्ध्या टाइम्स)/पूर्वपश्चिम राजमार्ग अन्तर्गत दाङ देउखुरीया लालमटियाय् यात्रुबस व ट्रक ठक्कर नयाः जूगु दुर्घटनाय् लानाः नीनिम्ह मनू घाःपाः जूगु दुसा उपिं मध्ये खुम्हेसिया अवस्था गम्भीर दु। थौं सुथय् दिकातःगु ना. ४ ख ९४३ नम्बरया ट्रकयात रुकुमं येँपाखे वयाच्वंगु बसं ठक्कर नकाः दुर्घटना जूगु खः। घापाः जूपिं मध्ये झिम्हेसित नेपालगन्जय् वासः याकातःगु दुसा गम्भीर जूपिं खुम्हेसित येँय् हःगु दु ।