ख्वपय् विराटया साहित्य चिमुँज्या
ख्वप (सन्ध्या टाइम्स)/वंगु तछलाथ्व १५ शनिवाः कुन्हु विराट नेपालभाषा साहित्य सम्मेलन गुथिया ग्वसालय् ख्वपया नेपाल स्काउट भवनय् विराट साहित्य चिमुँज्या गुथिया नायः त्रिरत्न शाक्यया सभापतित्वय् जुल ।
उगु मुँज्याय् विराट गुथिया संस्थापक दुजः व विराट गुथि छेँ पलिस्था पुचःया दांभरि रत्नगोपाल साँय्जु ख्वप लागाय् मिसा च्वमिया म्हति जूगु व विराट गुथि नं मिसा च्वमि व दुजः म्हो जूगु खँय् चिन्ता प्वंकुसे विराट गुथिया लुँबुदिंया इलय् तकया दुने गुथि छेँ धस्वाकेत ग्वाहालिया इनाप यानादिल ।
साहित्य चिमुँज्याय् साहित्यकार भाजुपिं तिलक कायस्थ,गोविन्दमान श्रेष्ठ, तीर्थभक्त थकू, त्रिरत्न शाक्य, डा.केशवमानशाक्य, सौरभ शाक्य, कृष्णमोहन जोशी, रोशन राजभण्डारी, शाकिव वज्राचार्य, सुलोचना जोशीपिंसं थःथगु च्वसु पाठ यानादीगु खःसा उकियात डा. केशवमान शाक्यं समीक्षा यानादीगु खः। वय्कलं थः नं विराट गुथिया साहित्य सम्मेलनपाखें पुरस्कृत जुइनंगु व गुथिपाखें थथे चिमुँज्या यानाः व सम्मेलनपाखें पुरस्कृत साहित्यकार ब्वलंकाच्वंगु च्वछायेबह जू धयादिल ।
