हत्याया विरोधय् अनिश्चितकालीन वीरगंज बन्द

हिन्दू युवा संघया अध्यक्ष काशिनाथ तिवारीया हत्याया विरोधय् हिन्दू युवा संघं अनिश्चितकालीन वीरगंज बन्द याःगु दु । बन्दया कारणं आइतवा: वीरगंजया जनजीवन प्रभावित जूगु दु । बन्दया कारणं पसः, शिक्षण संस्था, यातायात, उद्योग, कलकारखाना दक्वं ठप्प जूगु दु । बन्दकर्तातय्सं हत्यारायात ज्वना कारवाही यायेमाःगु, तिवारीयात सहिद घोषणा यायेमाःगु व तिवारीया छेँजःयात क्षतिपूर्ति बीमाःगु माग याःगु दु ।

शनिवाः सनिलय् मोटरसाइकलय् वःपिं स्वम्ह नकाबधारीतय्सं तिवरीयात स्वंगः गोलीं क्येकाःगु स्याःगु खः । घटना संलग्न जूगु आशंकाय् वीरगंज प्रहरीं आः तक प्यम्हेसित ज्वन न्यनेकने यानाच्वंगु दु ।