सरकारया औचित्य समाप्त मजुनी : प्रम
प्रधानमन्त्री माधवकुमार नेपालं वर्तमान सरकारया औचित्य अझ नं समाप्त मजूनीगु खँ धयादीगु दु । वय्कलं वैधानिक तवरं गठन जूगु वर्तमान सरकारयात सुनां नं औचित्य समाप्त जुल धाइसाः उकीया छुं तुक मदुगु धयादिल ।
सामान्य प्रशासन मन्त्री रवीन्द्र श्रेष्ठया छेँय् जूगु छगू ज्याझ्वः लिपा पत्रकारत नाप खँल्हाबंला यानादिसें वय्कलं थ्व सरकार पूर्ण बहुमत प्राप्त जूगु व राजनीतिक रुपं नं दक्वसियां समर्थन प्राप्त दुगुलिं थम्ह राजीनामा मबीगु धयादिल । वय्कलं राजीनामाया विषय स्वेच्छाया खँ जूगु नं धयादिल ।
सहमति मार्फत न्हूगु सरकार गठन यायेगु विषयलय् दक्वं दलत दथुइ सहमति जुसा थः बाधक मजुइगु धयादिसें प्रधानमन्त्री नेपालं सहमतिया न्हूगु यात्रा सुरु जुसाः थः नं खुशी जुइगु धयादिल । वय्कलं थः नं राष्ट्रिय सहमतिया सरकार गठन जुइमाःगु पक्षय् दुगु धयादिल ।
