हिन्दू युवा संघया अध्यक्षया गोलीं क्येकाः हत्या

हिन्दू युवा संघया अध्यक्ष काशि तिवारीयात शनिवाः अज्ञात पुचलं गोलीं क्येकाः स्यनाब्यूगु दु । वीरगंजया अशोकवाटिका स्थित शिवपार्वती मठ न्ह्यने मोटरसाइकलय् व:पिं स्वम्ह नकाबधारीतय्सं गोली केय्काः स्या:गु खः । वीरगंज वडा नं १३ घडिअर्वाया स्थायी छेँ जुम्ह ४५ दँया तिवारीयात स्वंगू राउण्ड गोल क्येकूगु खः । घटना लिपा तिवारीयात वासः याकेत नारायणी उपक्षेत्रिय अस्पतालया आकस्मिक कक्षय् भर्ना याकूगु खःसा वय्कयात भर्ना याःगु छुं ई लिपा हे मदुगु खः । तिवारीया सुनां स्यागु धइगु बारे अनुसन्धान जुयाच्वंगु खँ वीरगंज प्रहरीं धा:गु दु ।