न्युयोर्कय् बन्दुकधारीया गोलीं झिंस्वम्ह मन्त
अमेरीकाया न्युयोर्क राज्यय् छम्ह बन्दुधारीं शनिवाः सुथय् झिंस्वम्हसित गोलीं क्येकाः स्याःगु दु । करिब पीम्ह मनूतय्त बन्धक देयेकूगु खसां प्रहरीं उमित सकुशल रिहा यायेत सफल जूगु खँ अन्तराष्ट्रिय समाचार संस्थातय्सं धाःगु दु ।
प्रहरीं हमलाकारी बन्दुकधारीया नं शव प्राप्त जूगु खँ धाःगु दु । छुं मनूतय्त स्याये धुंकाः बन्धुकधारीं थम्ह थःम्हेसित गोली कयेकूगु खः ।
न्युयोर्क गभर्नर डेविड पेटरसनं घटनाया बारे जानकारी ब्यूसें गोलीप्रहारं झिंस्वम्हसिया ज्यान वंगु पुष्टि याःगु दु । घटनाय् प्यम्ह मनूत गम्भिर घाःपाः जूगु जानकारी नं गभर्नर पेटरसनं ब्यूगु दु ।
आप्रवारीतय्त अंग्रेजी भाय् अध्ययन याकीगु अमेरिकन सिविक एसोसिएसनया भवनय् गोली प्रहार जूगु खः । हमला जुइवं सेना व प्रहरीं भवन घेरे यासां घौच्छि लिपा तिनि बन्धक देयेकुपिंत भवनं उद्दार यायेफूगु खँ प्रहरी धाःगु दु ।
हमलाकारी नाप उच्च क्षमताया राइफल दुगु खः । घटनाया कारण व मनूया बारे धाःसाः प्रहरीं छुं धाःगु मदुनि ।
