न्हूगु आर्थिक दँया बजेट साढे ३ खर्ब : अर्थमन्त्री

अर्थमन्त्री सुरेन्द्र पाण्डें न्हूगु आर्थिक दँया बजेट साढे ३ खर्बया जुइगु खँ धयादीगु दु । वय्कलं ३ सय ३५ अर्बया बजेट ह्येगु तयारी जुयाच्वंगु धयादिसें ठ्याक्क बजेट धाःसा संसदं हे न्यनीवलय् बांलाइगु धयादिल ।

येँया हाँडीगांलय् शनिवाः जूगु छगू ज्याझ्वलय् न्ववानादिसें वय्कलं बजेटया ८० प्रतिशत खर्च आन्तरिक श्रोत पाखे जुते यायेगु धयादिल । न्हूगु आर्थिक दँया बजेटय् कृषी व पर्यटनया नापं पूर्वाधार विकासयात उच्च प्राथमिकताय् तःगु नं जानकारी बियादिल ।

अथेहे कृषि व पर्यटन लिपा शिक्षायात प्राथमिकता ब्यूगु धयादिसें अर्थमन्त्री पाण्डें चालू आर्थिक दँया प्रभावशाली व सफल ज्याझ्वःयात वइगु दँय् नं निरन्तरता बीगु धयादिल ।