ध्यबा कुतुं वन धकाः ब्याग ज्वनाः कुइँच

येँ (सन्ध्या टाइम्स)/थनया २८ वडा न्हाय्कंत्वालय् थौं न्हिनय् छम्ह मिसायात ध्यबा कुतुं वन धकाः अलमल यानाः वयागु ब्याग लुटे याना यंकूगु दु। अनया छगू माइक पसलय् सामान न्यायेत वयाच्वंम्ह सारा तामाङ्ग नांयाम्ह उम्ह मिसायात छम्ह ल्याय्म्हं 'छिगु ध्यबा कुतुं वन' धकाः मेथाय् अलमल यानाः टेबुलय् दिकातःगु वयागु ब्याग यंकूगु खः। ब्यागय् मोबाइल फोन, ७ द्वः तका दां नापं छुं भ्वं दुगु खँ पीडित तामांगं धाःगु दु ।