विकास निर्माणय् सक्रिय जुइत शर्माया निर्देशन

एकीकृत नेकपा (माओवादी)या पोलिटब्यूरो नेता जनार्दन शर्मा 'प्रभाकरं' विकास निर्माणया आन्दोलनय् सक्रिय जुइत माओवादी कार्यकर्तातय्त निर्देशन बियादीगु दु ।

शुक्रवाः रुकुमया सदरमुकामय् पार्टी कार्यकतात नाप खँल्हाबंला यानादिसें शर्मां राजनीतिक आन्दोलन व विकास निर्माणया आन्दोलन नापं न्ह्याकेमाःगु धयादिसें विकास निर्माणय् लगे जुइत कार्यकर्तातय्त निर्देशन बियादीगु खः । वय्कलं जनताया विकास निर्माण यायेगु इच्छायात पूवंके न्ह्याः वनेमाःगु खँय् ब: बियादिल ।

पुलाम्ह शान्ति मन्त्री नं जुयादीम्ह शर्मां सत्तारुढ दलतय्सं माओवादीया युवा संगठन वाईसीएलयात विघठन यायेमाःगु खँ धयाच्वंगु प्रति आपत्ति प्वंकादिसें युवा संगठन हे विकास निर्माणया मू आधार जूगुलिं आः वाईसीएलयात विघटन मखु जिल्ला-जिल्लाय् शाखा विस्तार यायेगु धयादिल ।