सेना समायोजन निर्धारित इलय् जुइ : रक्षामन्त्री

रक्षामन्त्री रामबहादुर थापा 'बादलं' सने समायोजन निर्धारित ई दुने हे जुइगु खँ धयादीगु दु ।

शुक्रवाः विराटनगरया एयरपोर्टय् संचारकर्मीतलिसे खँल्हानादीसें वयेकलं सेना समायोजन समितिं निर्धारित ईलय् थःगु ज्या सिधेकीगु निंतिं गृहकार्य यानाच्वंगु खँ कनादिल । सेना समायोजन विशेष समितिया दुजः नापं जुयादीम्ह थापाया धापू सेना समायोजन विशेष समितिया प्रवधिक समितिं स्वलाया दुने सेना समायोजन याये फइमखु धा:गु लिसलय् वःगु खः ।

अथेहे रक्षामन्त्री बादलं नकतिनि च्याम्ह सैनिक जनरलतय्गु समयावधी बढे मयाःगु ज्या पाय्छि व कानुनी दायरादुने हे लाःगु खँ धयादिल ।