२५ दलया बैठक मंगलवाः च्वनीगु

संविधानसभाय् प्रतिनिधित्व याइगु २५ दलया बैठक आः वइगु मंगलवाः च्वनीगु जूगु दु । बिहीवाः प्रमुख स्वंगू दल बाहेक दलतय् बैठकं मंगलवाः प्रमुख दलत सहित संविधानसभाय् दुथ्याःगु दक्वं दलया बैठक च्वनेगु निर्णय याःगु दु ।

मधेशी जनअधिकार फोरम (लोकतान्त्रिक)या संसदीय दलया ज्याकूथीइ च्वंगु बैठकं मंगलवाः च्वनीगु बैठकय् प्रमुख स्वंगू दलयात जेठ १४ गते जूगु सहमति कार्यन्वयन यायेत इनाप यायेगु व उगु बैठकय् छुं निष्कर्ष पिहांमवसाः स्वंगू दलयात दबाव बीत थीथी ज्याझ्वः यायेगु निर्णय नं याःगु दु ।

अथेहे बैठकं सहमति कार्यन्वयन याकेगु बारे व राजनीतिक सहमतिया निंतिं थीथी ख्यःया व्यक्तित्वनाप सहलह यायेगु, बिचार गोष्ठी यायेगु खँ क्वःछिउगु दु ।