सहमतिया बाधक माओवादी : रिजाल

संविधानसभा, संघीय मामिला, संसदीय व्यवस्था व संस्कृति मन्त्री डा. मिनेन्द्र रिजालं जेठ १४ गते बहनी जूगु स्वंगू बुँदे सहमतिया बाधक माओवादी जूगु द्वपं बियादीगु दु । वय्कलं माओवादीं स्वंगू बुँदे सहमति कार्यन्वयन मयायेकं सहमति जुइमफइगु धयादिल ।

नेपाल प्रेस युनियन इलाम शाखां बिहीवाः इलामय् याःगु पत्रकार सम्मेलनय् न्ववानादिसें मन्त्री रिजालं माओवादीं शान्ति, लोकतन्त्र व अग्रगमनया लँपु त्वःतुगुलिं सहमति जुइमफुगु दाबी यानादिसें माओवादी शान्ति व अग्रगमनया लँपुइ वःसा सरकारया नेतृत्व नं यायेफइगु धयादिल ।

माओवादीयात सहमति कार्यन्वयन यायेत इनाप यानादिसें वय्कलं सेना समायोजन सम्झौता कथं हे जुइगु धयादिल । वय्कलं निर्धारित मापदण्ड पूमवंकूपिं लडाकुतय्त सेनाय् समायोजन यायेफइगु नं धयादिल ।