येँया मैतिदेवीइ गोली चलेजुल

येँया मैतिदेवीलय् बिहीवाः सुथय् गोली चलेजूगु दु । सुथय् ७:१५ बजे मैतिदेवी देगः नापसंया गल्लीइ मोटरसाइकलय् वःपिसं विष्णु पाण्डेयात गोली क्येकूगु खः । गोली क्येकूसां अन छुं मानवीय क्षति मजूगु खँ प्रहरीं धाःगु दु ।

घटना जुइवं कमलपोखरी प्रहरी ज्याकूथीं अन प्रहरी थ्यंकूगु खः । अन प्रहरीं गोली चले याःपिंत मालेगु ज्या तीव्र रुपं न्ह्याकूगु खँ धाःगु दु । गोली सुनां व छाय् चले यात धइगु बारे अनुसन्धान जुयाच्वंगु खँ नं प्रहरीं धाःगु दु ।