थीथी थासय् जूगु सतक दुर्घटनाय् न्याम्ह सित
बिहीवाः सुथय् धादिङया थीथी थाय् नापं दाङ व चितवनय् जूगु सतक दुर्घनाय् न्याम्ह सीगु दु । येँ नं मनकामना पाखे वनाच्वंगु बा. २. ख. ११३८ नम्बरया माइक्रोबस भूमिस्थान गाविस कोइरालेडाडा धाःगु थासय् फाटापुला निम्ह दुर्घटना स्थलय् हे सीगु दु ।
दुर्घटनाय् लानाः ओखलढुङ्गा जिल्ला रुम्जाटार गाविसया नीप्यदँया अजय गुरुङ सीगु व मेम्हसिया सनाखत जुइमफुनीगु खँ प्रहरीं धाःगु दु । उगु दुर्घटनाय् लानाः गुम्ह घाःपाः जूगु दु । घाःपाः जूपिनि येँया वीर अस्पताल व यलया बी एण्ड बी अस्पतालय् वासः जुयाच्वंगु दु ।
उखे बिहीवाः सुथय् हे अप्पा ज्वना वःगु ना. ४. ख. ३०१४ नम्बरया ट्रक त्रिभुवन राजपथया थाक्रे गाविस-१य् कुतुवना छम्ह सीगु दु । ट्रक दुर्घटनाय् मकवानपुर जिल्ला चुरियामाई गाविसया आडते मोक्तान सीगु दु ।
अथेहे दाङया तुल्सीपुरय् जूगु मोटरसाइकल दुर्घटनाय् मोटरसाइकलय् सवार तेजबहादुर केसी सीगु दुसाः राजेश श्रेष्ठ घाःपाः जूगु दु । बिहीवाः हे चितवनय् नम्बर सिमदुगु ट्याक्सीया ठक्करं फुलमाया परियार सीगु दु ।
