माओवादी पोलिटब्यूरो बैठक कन्हय् जक च्वनीगु

प्रमुख प्रतिपक्षी दल एनेकपा (माओवादी)या पोलिटब्यूरो बैठकय् कन्हय् जक च्वनीगु जूगु दु । म्हिग निसें स्थगित जूगु बैठकय् थौं नं पार्टी अध्यक्ष पुष्पकमल दाहाल 'प्रचण्ड'या कार्यव्यस्तताया कारणं स्थगित याःगु दु । म्हिग नं प्रचण्डाया इनापय् बैठक स्थगित याःगु खः ।

बैठकय् अध्यक्ष प्रचण्डं पेश यानादीगु राजनैतिक प्रतिवेदनय् दक्वं पोलिटब्यूरो दुजःतय्सं न्ववायेगु ज्या क्वचाःगु दुसाः आः नेतातय्सं न्यंगू न्ह्यसःया अध्यक्षं लिसः बियाः संशोधन सहित प्रतिवेदन पारित याइगु ज्याझ्वः दु ।