पुनःस्थापना ज्याझ्वल् ब्वति कायेत पुलापिं लडाकूतय्त इनाप
नेपाः स्थित राष्ट्रसंघीय निकायं सैन्य शिविर पाखें पिने वनेधुंकूपिं माओवादीया पुलापिं लडाकूतय्त पुनःस्थापना ज्याझ्वलय् ब्वति कायेत इनाप याःगु दु ।
राष्ट्रसंघीय विकास कार्यक्रम (युएनडिपीं॒ बुधवाः येँय् ग्वसाःग्वःगु ज्याझ्वलय् युएनडिपी व राष्ट्रसंघीय निकाय युनिसेफ, युएनएफपीए व आईएलओं लडाकूतय् निंतिं थीथी कथंया पुनःस्थापना ज्याझ्वः संचालन यानाच्वंगु जानकारी ब्यूगु दु ।
नेपाः सरकार, एकीकृत नेपका (माओवादी) व नेपाःया शान्ति प्रकृयाया अनुगमन यानाच्वंगु राष्ट्रसंघीय ज्याकू अनमिन नापया सम्झौता बमोजिम ४ हजार ८०० लडाकू शिविर पिने वंगु खः । अज्याःगु सम्झौता लिपा संचालन याःगु पुनःस्थापना ज्याझ्वलय् ब्वति कायेत दक्वं पुलापिं लडाकुतय्त इनाप याःगु खःसां आः तक १ हजार ८३७ लडाकू जक सम्पर्कय् वःगु जानकारी ज्याझ्वलय् ब्यूगु दु ।
युएनडिपीया आवासीय संयोजक रवर्ट पाइपरं राजनीतिक व सामाजिक रुपं पुलापिं लडाकूतय् पुन:स्थापनाया ज्याझ्वः तसकं संवेदनशील जूगुलिं उकी ग्वाहालि यायेत नेपाः सरकार व माओवादीयात इनाप यानादीगु दु ।
