विश्वकप स्वयाः लिहां वयाच्वंपिं दुर्घटनाय् सित

येँ (सन्ध्या टाइम्स)/धादिङया गजुरीइ मोटरसाइकल दुर्घटना जुयाः निम्ह मनू सीगु दु। उगु दुर्घटनाय् लानाः मेम्ह छम्ह नं तसकं घाःपाः जूगु दु। दुर्घटनाय् लानाः धादिङया वनीन ढुंगाना व सुनील श्रेष्ठ सीगु खः। वंगु चान्हय् आदमघाटं धादिङवेशीइ लिहां वयाच्वंगु इलय् बा. ४१ प २८३२ नम्बरया मोटरसाइकल दुर्घटना जुयाः मोटरसाइकलय् च्वनावःम्ह व चले याना वःम्ह निम्हं सीगु खः। उपिं चान्हय् विश्वकप फुटबल स्वयाः लिहां वयाच्वंपिं खः ।