'सहमतिया आधारय् जुम्ह प्रम स्वीकार्य'

प्रधानमन्त्री माधवकुमार नेपालं राजनीतिक दलतय् सहमतिया आधारय् न्हूगु सरकारया नेतृत्व याइम्ह व्यक्तियात थम्हं स्वीकार यायेगु खँ धयादीगु दु । वय्कलं प्रमुख स्वंगू दलं न्ह्याम्हेसिया नांमय् सहमति याःसां मान्य जुइगु धयादिल ।

बुधवाः निसें येँय् सुरु जूगु सार्क राष्ट्रया मन्त्रीस्तरीय बैठकया उल्लेज्या लिपा पत्रकारत नाप खँल्हाबंला यानादिसें वय्कलं दलत दथुइ सहमति जुसाः व्यक्ति विशेषयात कयाः थः बाधक मजुइगु धयादिल ।

वय्कलं सहमतिया निंतिं माओवादीं नं थःगु हठ त्याग यायेमाःगु खँ धयादिसें माओवादीया हे कारणं दलत दथुइ सहमति जुइमफुगु द्वपं बियादिल । वय्कलं जेठ १४ गते जूगु सहमति कार्यन्वयन यायेत मुख्य दलतय्सं अग्रसरता क्यनेमाःगु धयादिल ।