बुटवलय् गोलीं क्येकाः व्यापारीया हत्या

बुटवलया संगमपथ स्थित जेसिज चोकय् बुधवाः न्हिनय् गोलीं क्येकाः व्यापारी निम्ह तिपूया हत्या याःगु दु । भण्डारी गल्ला स्टोरया मालिक ३८ दँया रमेश भण्डारी व वय्कया जहान ३३ दँया आशा भण्डारीयात अज्ञात पुचलं गोलीं क्येकूगु खः ।

हाकूगु पल्सर मोटरसाइकलय् वपिं निम्ह अज्ञात मनूतय्सं गोलीं क्येकूगु खँ प्रहरीं धाःगु दु । गोलीं कयाः आशा घटनास्थलय् हे मदुगु खःसा रमेशयात अस्पताल यंकेगु झ्वलय् लँय् मदुगु खः । घटनाया बारे अनुसन्धान जुयाच्वंगु खँ प्रहरीं धा:गु दु ।