राष्ट्रिय सरकार गठन बारे कांग्रेस-एमालेया सहलह
सत्तारुढ नेपाली कांग्रेस व नेकपा (एमाले) दथुइ याकनं राष्ट्रिय सहमतिया सरकार गठन यायेगु बारे सहलह जूगु दु । सत्तारुढ निगू दलया शीर्ष नेतात दथुइ बुधवाः जूगु खँल्हाबंलाय् राष्ट्रिय सहमतिया सरकार गठन यानाः राजनीतिक अवस्थायात सहज यायेमाःगु विषयलय् सहमति जूगु दु ।
निगु दलया बैठकय् राष्ट्रिय सहमतिया सरकार नापं जेठ १४ गते प्रमुख स्वंगू दलत दथुइ जूगु सहमति कार्यन्वयन यायेगु बारे सहलह यायेत निन्हुया दुने माओवादी सहित स्वंगू प्रमुख दलया शीर्ष नेतातय् बैठक च्वनीगु निर्णय याःगु दु ।
बैठक लिपा कांग्रेस संसदीय नेता रामचन्द्र पौडेलं जेठ १४ गतेया सहमति कार्यन्वयनया बारे सहलह यायेत प्रमुख स्वंगू दलया बैठक च्वनेगु सहमति जूगु कनादिल । एमाले सचिव विष्णु पौडेलं याकनं राजनीतिक निकाश बीगु निंतिं दलत दथुइया सहलह तीव्र यायेत स्वंगू दलया बैठक याकनं च्वनीगु कनादिल ।
