बस दुर्घटनाय् स्वम्ह सित

येँ (सन्ध्या टाइम्स)/मकवानपुरया हेटौंडा थाना भन्ज्याङगय् थौं सुथय् जूगु बस दुर्घटनाय् लानाः निम्ह मनू सीगु दुसा २५ म्ह घाःपाः जूगु दु ।

वीरगन्जं नाराणगढपाखे वनाच्वंगु ना. २ ख २४७४ नम्बरया बसयात नम्बर सीमदुनिगु टिपरं थौं सुथय् ४ बजे ठक्कर नकेवं बस फातापुलाः अथे दुर्घटना जूगु खः। उगु दुर्घटनाय् लानाः सीपिनिगु नां सीके मफुनिसा घाःपाः जूपिं मध्ये स्वम्ह सिकिस्त जुयाः चितवनया भरतपुर अस्पतालय् यंकूगु दु। अथे हे धनुषाया लबाटोली गाविसय् थौं सुथय् हे बस दुर्घटना जुयाः छम्ह मनू सीगु दु। येँनं सुनसरीपाखे वंगु ना. ४ ख १०५० नम्बरया बस दुर्घटना जुयाः झिंन्याम्ह मनू नं घाःपाः जूगु दु ।