प्रमया थौं नं सहलह

येँ (सन्ध्या टाइम्स)/प्रधानमन्त्री माधवकुमार नेपालं सरकारया सचिवतलिसे सहलह ब्याकेगु ज्या थौं नं न्ह्याकादीगु दु। वय्कलं म्हिगः सचिवतलिसे सहलह ब्याकादीगु इलय् कर्मचारीतय्सं अतिकं भ्रष्टाचार यानाच्वंगु, सरकारया ज्यायात बेवास्ता यानाच्वंगु द्वपं बियादीगु खःसा सचिवतय्सं धाःसा सरकारया निखें निगू हे निर्देशन वइगु नापं राजनीतिक दवाबं यानाः नं ज्या याये मफुगु खः धकाः तर्क तःगु खः। सचिवतय्सं थःथःगु खँ तयेगु क्वमचाःनिगुलिं थौं नं प्रमं सहलह ब्याकादीगु खः धाःगु दु ।