वैदिक प्रतिष्ठानया साधारण सभा
येँ (सन्ध्या टाइम्स)/वैदिक प्रतिष्ठानया झिंप्यक्वःगु वार्षिकोत्सव व गुक्वःगु साधारणसभा क्वचाल। ज्याझ्वलय् मूपाहां कथं झाःम्ह वैदिक प्रतिष्ठानया पुलांम्ह नायः व सल्लाहकार परिषद्या प्रमुख प्रा. बलदेव गुगुं वेदान्त दर्शनया विवेचना यानादीगु खः ।
अध्यक्ष कुमारधर शर्मा 'ज्ञानी' पाखें लसकुस यासें न्ह्याःगु उगु ज्याझ्वलय् अन्तर्राष्ट्रिय ख्यलय् नांजाःम्ह क्रिकेट कासामि मयजु नीरा राजोपाध्याय थुगुसी काठमाडौं क्रिकेटय् सर्वोत्कृष्ट जुयादीगुलिं वय्कःयात दां सिरपाः समेत लःल्हायेगु ज्या नं जूगु खः। लिसें २०६४ व २०६५ सालया मीराबाबा स्मृति पदक ओमचन्द्र रिमाल राजोपाध्याय व प्रज्ञा आचार्ययात लःल्हाःगु खः ।
ज्याझ्वलय् बाखं कनेगु प्रशिक्षणया सहभागी लिसें संस्थाया आजीवन दुजःतय्त दसिपौ नं लःल्हाःगु खः। अथे हे ज्याझ्वलय् प्रतिष्ठानया मूछ्यांज्ये राजेन्द्रधर राजोपाध्यायं संस्थाया प्रतिवेदन व छ्यांज्ये रवीन्द्रधर शर्मां आर्थिक प्रतिवदेन न्ह्यब्वयादीगु खःसा न्वकु महेश्वरजुजु राजोपाध्यायं सुभाय् बियादीगु खः ।
