माओवादी व एमाले दथुइ खँल्हाबंला

एकीकृत नेकपा (माओवादीं) प्रधानमन्त्रीं राजीनामा मबीकं सरकारं हइगु नीति व ज्याझ्वःयात पारित याके मबीगु खँ धाःगु कन्हय् कुन्हु नेकपा एमाले नाप खँल्हाबंला याःगु दु ।

मंगलवाः सुथयय् माओवादी अध्यक्ष पुष्पकमल दाहाल 'प्रचण्ड' निवास न्हू बजारय् जूगु खँल्हाबंलाय् एमालें माओवादी अडान प्रति थ:पिं गम्भीर जूगु खँ धाःगु खः । बैठकय् एमालें माओवादीया अडान सकारात्मक जूगु व गतिरोध याकनं चीकेमाःगु खँय् बः ब्यूगु खः ।

बैठक लिपा एमाले अध्यक्ष झलनाथ खनालं खँल्हाबंला सकारात्मक जूगु कनादिसें स्वंगू बुँदे सहमति कार्यान्वयन यायेत निगुलिं दल सकारात्मक दुगु कनादिल ।

थ्वस्वयां न्ह्यः सोमवाः माओवादीं कांग्रेसया शीर्ष नेतात नाप नं सहमति कार्यान्वयनया विषयलय् खँल्हाबंला याःगु खः ।