गृह मन्त्रालयं डिएसपी न्यौपाने निलम्बित

गृह मन्त्रालयं सोमवाः डिएसपी रुपकुमार न्यौपानेयात प्यलाया निंतिं निलम्बन याःगु दु । प्रहरी प्रधान कार्यलयया सिफारिश कथं गृहमन्त्रालयं न्यौपानेयात निलम्बन याःगु खः । डिएसपी न्यौपाने धनुषाय् कार्यरत जूगु इलय् स्थानिय सशस्त्र पुचः नाप स्वापू दुगु धकाः थीथी छानबिन पुचलं याःगु अनुसन्धानं क्यनेवं प्रहरी प्रधान कार्यलयं न्यौपानेयात निलम्बन यायेगु निष्कर्ष पिकागु खः । वंगु बिहीवाः प्रहरी प्रधान ज्याकूं गृहमन्त्रालययात याःगु सिफारिशय् गृह मन्त्रालयं प्यन्हु लिपा निर्णय याःगु खः ।

झिदँ न्ह्यः निसें जनकपुरय् कार्यरत न्यौपाने प्रहरी ज्याकू धनुषाय् कार्यरत जूगु इलय् अनुसन्धानया क्रमय् ज्वना कुनातपिं शंकास्पद अभियुक्ततय्त ज्याकू प्रमुखयात जानकारी मयासें त्वतेगु याःगुलिं प्रहरी प्रधान कार्यलयं उकीया बारे छानबिन याःगु खः ।