हिन्दू राज्य फ्वंसें बन्द
येँ(सन्ध्या टाइम्स)/स्वंगू दलया दथुइ वंगु १४ गते जूगु स्वंगू बुँदाया सहमति कार्यान्वयन यायेमाःगु नापं नेपाःयात हिन्दू राष्ट्र घोषणा यायेमाःगु माग यानाः भूमिगत संगठन 'भिष्म एकता परिषद' पाखें मध्यपश्चिम आमहडताल आह्वान याःगुलिं थौं सुथंनिसें अनया जनजीवन प्रभावित जूगु दु। बन्दं यानाः दाङ, रुकुम, सल्यान, रोल्पा, प्यूठान नापं अनया जःखः च्वंगु लागा प्रभावित जूगु दु। आमहडताल आह्वान यानातःगुलिं यातायात, कलकारखाना, शैक्षिक संस्था तकं बन्द जूगु दु ।
उगु परिषद हिन्दू राज्यया निंतिं आन्दोलन यायेत २०६३ सालय् सुदूरपश्चिमय् पलिस्था याःगु खः ।
