माओवादीं नीति व ज्याझ्वः पारित जुइमबीगु

प्रमुख प्रतिपक्षी दल एनेकपा (माओवादीं) वर्तमान अवस्थाय् सरकारं ह्येत्यंगु नीति व ज्याझ्वः पारित जुइमबीगु खँ धाःगु दु । सोमवाः नेपाली कांग्रेसया नेतात दथुइ जूगु सहलहया झ्वलय् माओवादीं जेठ १४ जूगु सहमति सत्तारुढ दलं कार्यान्वयन मयागु धासें प्रधानमन्त्रीया राजीनामा मवेकं नीति व ज्याझ्वः पारित जुइमबीगु खँ धाःगु दु ।

सिंहदरवारय् जूगु खँल्हाबंलाय् माओवादीं प्रधानमन्त्रीं राजीनामा बीधुंकाः सहमतिया वातावरण जुइगु व अथे जुइधुंकाः नीति व ज्याझ्वः पारित यायेबीगु खँ धाःगु खः । खँल्हाबंला लिपा माओवादी उपाध्यक्ष नारायणकाजी श्रेष्ठ 'प्रकाशं' यथास्थितिलय् माओवादीं नीति व ज्याझ्वः पारित जुइमबीगु कनादिल ।

नेपाली कांग्रेसया संसदीय दलया नेता रामचन्द्र पौडेलं धाःसा थौंया बैठकय सकारात्मक जुसां छुं निष्कर्ष पिकायेमफुगु कनादिल ।